अस्ति गोविन्द केसीले नाराबाजी गरेको ठाउँमा आज विजयबाबु

माइतीघर मण्डला क्षेत्रको निषेधाज्ञा फिर्ता लिन माग गर्दै आज पनि नाराबाजी भएको छ । 

आज विवेकशील साझा पार्टीका नेता–कार्यकर्ता आन्दोलनमा उत्रिएका हुन् । अपरान्ह सो पार्टीका विजयबाबु शिवाकोटीको नेतृत्वमा पाँच जना  प्रदर्शनकारीले माइतीघर मण्डला पछाडि सेन्ट जेभियर्स स्कुल छिर्ने गल्लीमा नाराबाजीसहित विरोध प्रदर्शन गरेका हुन् । 

यसअघि सोही स्थानमा चिकित्सा शिक्षा सुधारका अभियन्ता भनिने डा. गोविन्द केसी नेतृत्वको समूहले माइतीघर क्षेत्रलाई निषेधित क्षेत्र घोषणा गर्ने निर्णय सच्याउन माग गर्दै आन्दोलन गर्दै आएको थियो ।