माओवादीमा राष्ट्रिय सभा अध्यक्ष आफैँ लिने मत बलियो, कांग्रेस बैठकबारे चर्चा
नेकपा माओवादी केन्द्रका नेताहरुले राष्ट्रियसभाको अध्यक्ष कांग्रेसलाई छोड्न नहुनेमा पार्टी नेतृत्वको ध्यानाकर्षण गराएका छन् ।
आज पार्टी मुख्यालय पेरिसडाँडामा बसेका स्थायी कमिटी बैठकमा बोल्ने अधिकांश नेताहरुले राष्ट्रिय सभा अध्यक्ष नछोड्न नेतृत्वलाई सुझाव दिएका हुन् । 'राष्ट्रिय सभाको अध्यक्षको निर्वाचनको बारेमा छलफल भयो । र त्यस सम्बन्धमा अन्तिम निर्णय भोलि हुन्छ । अधिकांशले अध्यक्ष छोड्नु हुन्न भन्ने मत राख्नुभएको छ', प्रवक्ता सापकोटाले भने ।
नेपाली काँग्रेसका नेता कृष्णप्रसाद सिटौलालाई अध्यक्ष बनाउने सत्ता गठबन्धनमा सहमति भैसकेको चर्चा छ । तर, माओवादी नेताहरुले भने आलोपालो सहमतिअनुसार अर्को वर्ष काँग्रेसले प्रधानमन्त्री पाउने भएकाले संवैधानिक परिषद्मा पार्टीको प्रतिनिधित्व शून्य हुनेगरी अध्यक्ष छोड्न नहुने धारणा सार्वजनिकरुपमै राख्दै आएका छन् ।
बैठकमा नेताहरुको कार्य विभाजन, भावी योजनालगायतका विषयमा पनि छलफल भएको प्रवक्ता सापकोटाले जानकारी दिए । उनका अनुसार काँग्रेस महासमिति बैठकमा प्रस्तुत गठबन्धनसम्बन्धी विषयमा पनि नेताहरुले बोलेका थिए ।
माओवादी केन्द्रको स्थायी कमिटी बैठक भोलि (बुधवार) पनि बस्दैछ ।
ट्रेन्डिङ पोस्ट
टिप्पणीहरू