शीतल निवासमा नयाँ मन्त्रीहरुको शपथ

राष्ट्रपति कार्यालय शीतल निवासमा नयाँ मन्त्रीहरुको शपथ ग्रहण भएको छ । आज मन्त्रीमण्डल बिस्तार गरिएपछि १६ जना मन्त्रीले पद तथा गोपनीयताको शपथ लिएका हुन् ।

यसअघि तीन जनाले बिना विभागीय मन्त्रीको हैसियतमा शपथ लिएका थिए । संस्कृति, पर्यटन तथा नागरिक उड्डयनमन्त्री हितबहादुर तामाङ, कानुन, न्याय तथा संसदीय मामिला मन्त्री पदम गिरी र डोलप्रसाद (डीपी) अर्याल श्रम, रोजगार तथा सामाजिक सुरक्षा मन्त्री बनेका छन् ।

आज शपथ ग्रहण गरेका मन्त्रीहरुमा नेकपा माओवादी केन्द्रको तर्फबाट :

नारायणकाजी श्रेष्ठ (उपप्रधानमन्त्री तथा परराष्ट्र मन्त्रालय)

वर्षमान पुन (अर्थमन्त्री)

शक्ति बस्नेत (ऊर्जा, जलस्रोत तथा सिँचाइ मन्त्रालय

रेखा शर्मा (सञ्चार तथा सूचना प्रविधि मन्त्रालय)

नेकपा एमाले

रघुवीर महासेठ (उपप्रधानमन्त्री तथा भौतिक पूर्वाधार तथा यातायात मन्त्रालय)

हरि उप्रेती (रक्षा मन्त्रालय)

भगवती चौधरी (महिला, बालबालिका तथा ज्येष्ठ नागरिक मन्त्रालय)

राजेन्द्र राई (खानेपानी मन्त्रालय)

दामोदर भण्डारी (उद्योग, वाणिज्य तथा आपूर्ति मन्त्रालय)

ज्वालाकुमारी साह (कृषि तथा पशुपन्छी विकास मन्त्रालय)

बलराम अधिकारी (भूमि व्यवस्था, सहकारी तथा गरिबी निवारण मन्त्रालय)
 

राष्ट्रिय स्वतन्त्र पार्टी (रास्वपा)

रवि लामिछाने (उपप्रधान तथा गृह मन्त्रालय)

विराजभक्त श्रेष्ठ (युवा तथा खेलकुद मन्त्रालय)

सुमना श्रेष्ठ (शिक्षा, विज्ञान तथा प्रविधि मन्त्रालय)

नेकपा एकीकृत समाजवादी

भानुभक्त जोशी (संघीय मामिला तथा सामान्य प्रशासन मन्त्रालय)

धनबहादुर बूढा (सहरी विकास मन्त्रालय)