बोलाइयो देउवालाई, पठाइयो कृष्ण सिटौला र गगन थापा

नेपाली काँग्रेसका महामन्त्री गगनकुमार थापा र नेता कृष्णप्रसाद सिटौला प्रधानमन्त्रीको सरकारी निवास बालुवाटार पुगेका छन् । नेताद्वय थापा र सिटौला प्रधानमन्त्री पुष्पकमल दाहाल प्रचण्डसँग भेटवार्ताको लागि बालुवाटार गएका हुन् ।

प्रधानमन्त्री दाहालले नेपाली काँग्रेस सभापति तथा पूर्व प्रधानमन्त्री शेरबहादुर देउवालाई भेटवार्ताको लागि आमन्त्रण गर्नुभएको बताइन्छ । देउवाले आफ्नो सट्टा प्रधानमन्त्रीसँग कुराकानी गर्न उहाँहरुलाई बालुवाटार पठाइदिनुभएको हो । 

नेपाली काँग्रेसको संसदीय दलको बैठक संसद भवन नयाँ बानेश्वरमा बसिरहेको छ । आजै बिहान ११ बजे प्रतिनिधिसभाको बैठक राखिएको छ । काँग्रेसले सहकारी ठगीमा मुछिएका गृहमन्त्री रवि लामिछानेमाथि संसदीय समितिले छानबिन गर्नुपर्ने अन्यथा संसद अवरुद्ध पार्ने चेतावनी दिँदै आएको छ ।