संसद बैठक चल्न नदिने काँग्रेसको निर्णय

नेपाली काँग्रेसले सहकारी ठगी प्रकरणमा गृहमन्त्री रवि लामिछानेविरुद्ध  संसदीय छानबिन समिति गठन नगरिए संसद् बैठक चल्न नदिने निर्णय गरेको छ । आज बिहान संसद भवनमा बसेको काँग्रेस संसदीय दलको बैठकले उक्त निर्णय गरेको बताइएको छ ।

बैठकले सहकारी ठगी प्रकरणमा संसदीय छानबिन समिति गठनको माग यथावत् राख्ने निर्णयसमेत गरेको छ । समिति गठन नभए प्रतिनिधसभाको बैठक आजदेखि चल्न नदिनेमा काँग्रेसले अडान लिएको हो ।