पूर्वराजाको विरुद्धमा उभिएका कट्टर हिन्दुवादी

‘यिनी कति चाँडै स्खलित भए’, भनी नेपाली काँग्रेस सर्लाहीका एकजना वृद्ध नेताले स्वःघोषित युवा नेता विकास ठाकुरबारे जनआस्थाकर्मीसँग राजधानीको बानेश्वरमा भएको भेटमा जिज्ञासा राखे । 

जिल्लास्तरीय ती नेताका अनुसार ‘ग्रासरुट’ मा खट्ने, जनताको दुःख बुझ्ने स्थानीय नेता–कार्यकर्तालाई पाखा पार्न केन्द्रमा नेतृत्वको दौराको फेरो समात्ने र जिल्लामा समेत जबर्जस्ती बर्चस्व राख्न खोज्नेलाई विवादास्पद मान्ने गरिएको छ । 

उत्तर प्रदेशका मुख्यमन्त्री योगी आदित्यनाथ समूहको सम्पर्क सूत्रका रुपमा समेत हिन्दुवादीहरुले उनको नाम लिने गरेको पाइन्छ । 

काठमाडौंमा नेपाली काँग्रेसकी नेतृ डा. आरजू देउवादेखि गगन थापासम्म घनिष्ठ सम्बन्ध राख्नु उनको दिनचर्या बनेको बताइन्छ । यसै सिलसिलामा उनले प्रतिनिधिसभाको गत निर्वाचनमा सर्लाही क्षेत्र नम्बर ४ मा गगन थापालाई उम्मेदवार बनाउनुपर्ने भनेर ठूलै हल्ला गरे । स्वतन्त्र सांसद अमरेशकुमार सिंहको खेदो खन्न माहिर उनी गगनलाई मधेश झार्न सफल भएनन् । त्यसपछि बूढानीलकण्ठ पुगे  ।

मधेसमा सनातन हिन्दु धर्मको प्रचारप्रसार गर्ने र भारतीय हिन्दुवादी नेताको समेत पाउ पर्ने उनीमाथि लैनचौरतिर चुक्ली लगाउँदै हिँडेको आरोप छ । आरजूसमक्ष अमरेशको नकारात्मक टिप्पणी गर्ने उनको फर्मुला रहेको काँग्रेसीजनको बुझाई छ ।

उनी काठमाडौंबाट तारन्तार लखनउ गइरहन्छन् । त्यसो गर्दा त्यहाँका साधुसन्त र अतिहिन्दुवादी नेताहरुसँग सम्बन्ध बढ्नु स्वाभाविक हो । उत्तर प्रदेशका मुख्यमन्त्री योगी आदित्यनाथ समूहको सम्पर्क सूत्रका रुपमा समेत हिन्दुवादीहरुले उनको नाम लिने गरेको पाइन्छ । 

एकातिर हिन्दुवादीको रुपमा काम गर्ने विकास ठाकुरले आफूलाई पूर्वराजा ज्ञानेन्द्रको भने कट्टर विरोधीको रुपमा उभ्याएका छन् ।