लुम्बिनीमा जसपा नेपालका तीन सदस्यमध्ये दुईजना जसपातर्फ
लुम्बिनी प्रदेशसभाका दुई जना सदस्यले आफूहरु अशोक राई नेतृत्वको जनता समाजवादी पार्टी (जसपा) मा आवद्ध रहेको बताएका छन् । आदेशकुमार अग्रवाल र भण्डारीलाल अहिर यादवले लुम्बिनी प्रदेश निर्वाचन कार्यालयमा पुगेर जसपाको पक्षमा सनाखत गरेका हुन् ।
प्रदेशसभा सदस्य अग्रवालले आफू र प्रदेशका कृषिमन्त्री यादव नवगठित जसपामा रहेको जानकारी निर्वाचन कार्यालयलाई गराएका छन् ।
उनीहरु दुवै जना बाँके क्षेत्र नम्बर २ को १ र २ बाट प्रदेशसभा सदस्यमा निर्वाचित भएका हुन् । प्रदेश सभामा जनता समाजवादी पार्टी नेपालका तीन जना सदस्य छन् । समानुपातिक सांसद अम्बिका काफ्लेले हालसम्म आफूलाई निश्चित कित्तामा छुट्याएकी छैनन् ।
ट्रेन्डिङ पोस्ट
टिप्पणीहरू