बूढानीलकण्ठ र सिंहदरवारमा राजदूतहरुको लर्को
हिजो नियुक्त प्रधानमन्त्री र परराष्ट्रमन्त्री डा.आरजू राणा देउवालाई बधाई दिन काठमाडौंस्थित चीन,भारत र अमेरिकाका राजदूतहरु सिंहदरवार र बूढानीलकण्ठ पुग्ने क्रम जारी छ ।
प्रधानमन्त्री केपी ओलीलाई हिजो भारतीय राजदूत नवीन श्रीवास्तवले भेटेर बधाई दिनुभएको थियो । चिनियाँ राजदूत छेन सोङले पनि हिजै भेटेर चिनियाँ प्रधानमन्त्री लि छ्याङ्ग र आफ्नो बधाई तथा सफल कार्यकालको शुभकामना व्यक्त गर्नुुभयो ।
सोही क्रममा आज अमेरिकी राजदूतको पालो रहेको बताइएको छ । नेपालका लागि अमेरिकी राजदूत डिन आर थम्पसनको आज नवनियुक्त प्रधानमन्त्रीलाई बधाई दिन जाने कार्यक्रम छ ।
आज बिहान सवा नौ बजे बूढानीलकण्ठ पुगेर भारतीय राजदूतले परराष्ट्र मन्त्री आरजू राणालाई बधाई दिनुभएको छ ।
टिप्पणीहरू