गायिका विष्णु माझीलाई हेर्ने सांसदको चाहना
नेपाली काँग्रेसका सांसद चन्द्र भण्डारीले गायिका विष्णु माझीलाई हेर्ने इच्छा व्यक्त गरेका छन् । आजको प्रतिनिधि सभामा बोल्दै उनले तीजको नाममा अराजकता मौलाउँदै गएको बेला गायिका माझीले तीजको लयलाई जोगाएको बताएका हुन् ।
पछिल्लो समय बजारमा आएका अधिकांश तीज गीतहरु परिवारमा सँगै बसेर सुन्नै नसकिने उनको अनुभव छ । तर गायिका माझीले मौलिक लय र शब्दलाई निरन्तरता दिदै तीजको अस्तित्व सुरक्षित राख्न ठूलो भूमिका खेलेको उनको भनाई छ । अहिलेसम्म सार्वजनिक नभएकी, तर एक–से–एक हिट गीत दिएकी माझीलाई हेर्ने इच्छा व्यक्त गर्दै भने, ‘मैले अधिकारमाथि हनन् गर्न खोजेको होइन, यति राम्रो गीत गाउने, यति राम्रो स्वर भएकी विष्णु माझीलाई देख्न पाए हुन्थ्यो भन्ने नेपालीको हरेक मनले भनेको छ । उपाय छ भने सार्वजनिक होस् ।’
गायिका माझीको हालै ‘आइन आमा’ बोलको तीज गीत बजारमा आएको छ । यसलाई अहिलेसम्म एक करोड आठ लाखले हेरिसकेका छन् । गीतमा माझीकै श्रीमान सुन्दरमणि अधिकारीको शब्द र संगीत छ । गायिका माझीलाई दर्शकले ‘सेक्रेट सुपरस्टार’ संज्ञा दिन थालेका छन् ।
टिप्पणीहरू