माधव नेपाल राति भारत प्रस्थान, उत्तरबाट वर्षमान पुनको आगमन
पूर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपाल गएराति नयाँ दिल्ली जानुभएको छ । उहाँ एअर इण्डियाको उडान नम्बर एआई २१२ मा राति पौने ११ बजे काठमाडौंबाट त्यता जानुभएको हो ।
अध्यक्ष नेपाल भारतीय कम्युनिष्ट पार्टी (मार्क्सवादी) का महासचिव स्वर्गीय सीताराम यचुरीको अन्तिम संस्कारमा भाग लिन जानुभएको बताइएको छ ।
त्यसैगरी माओवादी केन्द्रका उपमहासचिव तथा पूर्वमन्त्री वर्षमान पुन चीनको ग्वाङ्चौबाट काठमाडौं आउनुभएको छ । उहाँ चीनमा उपचारपछि चाइना साउदर्नको उडान नम्बर सीजेड ३०६७ मा राति पौने ११ बजे श्रीमती तथा पूर्व सभामुख ओनसरी घर्तिमगरसँगै आउनुभएको हो ।
ट्रेन्डिङ पोस्ट
टिप्पणीहरू