प्राकृतिक विपद् तथा राहत कोषमा एमालेको ५० लाख

नेकपा एमालेले बाढीपहिरो प्रभावितका लागि प्राकृतिक विपद् तथा राहत कोषमा ५० लाख रुपैयाँ जम्मा गर्ने भएको छ ।

पार्टी अध्यक्ष एवम् प्रधानमन्त्री केपीशर्मा ओलीको अध्यक्षतामा आज बबरमहलस्थित होटल बसेरामा बसेको एमाले सचिवालय बैठकले उक्त निर्णय गरेको छ । 

सचिवालय बैठकलगत्तै सिंहदरबारस्थित संसद सचिवालयमा एमाले संसदीय दलको बैठक शुरु भएको छ । बैठकमा प्रधानमन्त्री ओलीले मुलुक गम्भीर प्राकृतिक विपत्तिको स्थितिमा रहेको उल्लेख गर्दै सबैलाई उद्धार, राहत र स्वयंसेवामा लाग्न आह्वान गर्नुभएको बताइएको छ ।