उपप्रधानमन्त्री अफ्रिकातर्फ, अमेरिकी निर्वाचन अवलोकनमा आयुक्त

उपप्रधान तथा सहरी विकासमन्त्री प्रकाशमान सिंह इजिप्ट जानुभएको छ । उहाँ कायरोमा भोलिदेखि पाँच दिनसम्म हुने विश्व सहरी मञ्चको सम्मेलनमा भाग लिन आज बिहान कतारको दोहा हुँदै त्यसतर्फ जानुभएको बताइएको छ ।

उपप्रधानमन्त्री सिंह नेपाली प्रतिनिधिमण्डलको नेतृत्व गर्दै कतार एअरवेजको उडान नम्बर क्युआर ६४९ मा बिहान साढे ८ बजे काठमाडौंबाट प्रस्थान गर्नुभएको हो ।

निर्वाचन आयुक्त डा.जानकीकुमारी तुलाधर अमेरिका जानुभएको छ । उहाँ हिजो बेलुकी ८ बजे कतार एअरवेजको उडान नम्बर क्युअहार ६४७ मा दोहा हुँदै अमेरिकी राजधानी वाशिंगटन डिसी जानुभएको बताइएको छ । आयुक्त तुलाधर पर्सि हुने अमेरिकी राष्ट्रपतीय निर्वाचन अवलोकनका लागि त्यता जानुभएको हो ।

प्रमुख निर्वाचन आयुक्त दिनेश थपलिया सोही प्रयोजनका लागि यसअघि नै अमेरिका पुगिसक्नुभएको छ ।