ट्रम्पद्वारा एलन मस्कलाई ‘न्यू स्टार' को संज्ञा
अमेरिकी राष्ट्रपति निर्वाचनको मतपरिणाम आउनेक्रम जारी छ । हिजो सम्पन्न निर्वाचनको मतगणना चलिरहेको छ ।
प्राप्त मत परिणामअनुसार रिपब्लिकन पार्टीका उम्मेदवार डोनाल्ड ट्रम्प जित नजिक पुगेका छन् । उनले २६६ इलेक्ट्रोरल मत प्राप्त गरेका छन् भने डेमोक्रेयाट पार्टीकी कमला ह्यारिसको २१९ मत छ ।
अमेरिका लगायत विभिन्न अन्तराष्ट्रिय प्रतिष्ठित मिडियाको सर्वेक्षण र मतपरिणामले ट्रम्पलाई जितको नजिक पुर्याएको छ । फक्स न्यूजले रिपब्लिकनले जित्ने घोषणासमेत गरिसकेको छ ।
जित निश्चित भएसँगै घोषणासँगै उनले आफ्ना कार्यकर्ता र समर्थकहरूलाई सम्बोधन गरेका छन् । सम्बोधनका क्रममा ट्रम्पले अमेरिकी मतदाताले रिपब्लिकन पार्टीलाई अभूतपूर्व र शक्तिशाली जनादेश दिएको बताए ।
फ्लोरिडामा सम्बोधन गर्दै उनले भने, ‘यो अमेरिकाको लागि स्वर्णयुग हुनेछ । अमेरिकी जनताको लागि ठूलो विजय हो । जसले हामीलाई अमेरिकालाई फेरि महान बनाउन सक्षम बनाउँछ । हामीलाई अभूतपूर्व र शक्तिशाली जनादेश प्राप्त भएको छ ।’
सम्बोधनकै क्रममा ट्रम्पले विश्वका बहुचर्चित धनाढ्य एलन मस्कको खुलेर तारिफ गरेका छन् । मस्कलाई आफ्नो पार्टी रिपब्लिकनको ‘न्यू स्टार’को उपमा दिँदै भने, ‘मस्क वास्तवमै गज्जबका मान्छे हुन् ।’
टिप्पणीहरू