४९ वर्षीया जीवनसाथी खोज्दै, ६१ वर्षे डिभोर्सको डिलमा

बलिउड अभिनेत्री सुष्मिता सेनले विवाह गर्न चाहेको बताएकी छन् । ४९ वर्षे अभिनेत्रीले हालैको इन्स्टाग्राम लाइभमा तर विवाहका लागि उपयुक्त जीवनसाथी हालसम्म नभेटिएको बताएका छन् ।

राजस्थानको जयपुरमा भएको एक विवाहमा सहभागी हुने क्रममा उनले हृदयभित्रैबाट जीवनसाथीको भेट हुनुपर्ने धारणा राखेकी छन् । उनी विगतामा मोडल रोहमन शलसँग झण्डै तीन वर्ष प्रेम सम्बन्धमा थिइन् । 

त्यसपछि आईपीएलका संस्थापक तथा पूर्व अध्यक्ष ललित मोदीले उनलाई श्रीमती नै बनाएका थिए । सुस्मिताले मोदीसँग सम्बन्ध भएपनि श्रीमतीको हैसियत नरहेको बताउँदै आएकी छन् । सुष्मिता सन् १९९४ मा मिस युनिभर्स बनेपछि बलिउडमा प्रवेश गरेकी हुन् ।

यता, बलिउड अभिनेता गोविन्दाले श्रीमती सुनिता आहुजासँग सम्बन्ध विच्छेद गर्न लागेको खबरले चर्चा पाएको छ । सुनितासँगको ३७ वर्षे वैवाहिक सम्बन्ध अन्त्य हुन लागेको आशंका गरिएको छ । तर, गोविन्दाले उक्त समाचार ‘हल्ला’ मात्र भएको बताएका छन् । गोविन्दाका म्यानेजरले श्रीमती सुनिताले एउटा अनलाइनसँग गरेको कुराकानीलाई लिएर अनावश्यक हल्ला भएको प्रतिक्रिया दिएका छन् ।