संघीय निजामती विधेयकको ‘कुलिङ अफ पिरियड’ व्यवस्थामा भएको छेडखानी सच्याउन राज्य व्यवस्था तथा सुशासन समितिका सभापति रामहरि खतिवडाले राष्ट्रिय सभालाई आग्रह गरेका छन् ।

आज विज्ञप्ति जारी गर्दै उनले विधेयकमा व्यवस्था गरिएको मूल मर्मलाई भत्काउने गरी तोडमोड भएकोले कुलिङ अफ पिरियड राख्नेगरी सच्याउन राष्ट्रिय सभालाई अनुरोध गरेका हुन् । 

‘राज्य व्यवस्था तथा सुशासन समितिले पारित गरेको संघीय निजामती विधेयकमा व्यवस्था गरिएको कुलिङ अफ पिरियड सम्बन्धमा संसद्मा पेश गर्न मूल मर्मलाई भत्काउने गरी तोडमोड गरिएको विषय गम्भीर त्रुटि र अक्षम्य घटना हो । यो सामान्य अवस्था होइन’, विज्ञप्तिमा भनिएको छ, ‘यस सम्बन्धमा छानबिनका लागि सम्माननीय सभामुखसँग अनुरोध गर्दछु । त्यसैगरी, कुलिङ अफ पिरियड राख्नेगरी सच्याउन सम्मानित राष्ट्रिय सभालाई अनुरोध गर्दछु ।’

सजाय भोग्न तयार छु : रामहरि खतिवडा

‘सांसदहरुलाई कुरीकुरी’