ताप्लेजुङ गोल्डकपमा आज फिदिम पराजित, सलहेश विजयी

अन्तर्राष्ट्रिय आमन्त्रण तेस्रो ताप्लेजुङ गोल्डकप फुटबल प्रतियोगितामा आज फिदिम स्पोर्टिङ क्लब पाँचथरलाई ६–० ले हराउँदै सलहेश युवा क्लब सिरहा विजयी भएको छ ।

खेलको पहिलो हाफसम्ममा सलहेशले ४ गोल गरिसकेको थियो, जसमा तेस्रो गोल फिदिमको आत्मघाती गोल थियो। मध्यान्तरपछि थप २ गोल गर्दै सलहेशले कुल ६ गोल पुर्यायो । गत वर्षको उपविजेता सलहेश यसपटक पनि राम्रो तयारीका साथ मैदानमा आएको जनाएको छ ।

भोलि (साउन २८ गते, बुधबार) देखि सेमिफाइनल खेल सुरु हुँदैछ । पहिलो सेमिफाइनल खेल द यंग ब्रदर्स क्लब इटहरी (सुनसरी) र चर्च ब्वाइज क्लब ललितपुर बीच हुनेछ भने दोस्रो सेमिफाइनल खेल साउन २९ गते (बिहीबार) रेड स्टार फुटबल क्लब झापा र सलहेश युवा क्लब सिरहा बीच हुनेछ । 

दर्शकहरूका अनुसार अबका तीन खेलहरू निकै रोचक हुने अपेक्षा गरिएको छ।