सुदन गुरुङको पछि लागे महेश बस्नेत

एमाले पोलिटब्युरो सदस्य महेश बस्नेतले जेन जी आन्दोलनको नेतृत्व गरेको दावी गर्दै हिँडेका "हामी नेपाल" एनजिओका सुदन गुरुङलाई विदेशी दलालको संज्ञा दिएका छन् । उनले सामाजिक सञ्जालमा लेख्दै ओरिजिनल बाउको छोरा वा आमाको दूध खाएको भए आफूले बोलेको कुरा गरेर देखाउन चुनौती दिएका छन् ।

बस्नेतले मिसन प्रेरित पैसा कमाउनका लागि जेन जी आन्दोलनमा मिनरल वाटर बाँडेको आरोप लगाएका छन् । उनैले सन्दुक रुइतजस्ता इमान्दार व्यक्तिलाई बदनाम गरेको ठहर पनि गरेका छन् । हिजो दलका नेताहरुलाई घरमै थुन्ने धम्की दिएपछि बस्नेतले उनलाई विभिन्न आरोपसहित चेतावनी दिएका हुन् । 

लेखिएको छ, ‘यो केटो त ठूलो ठूलो कुरा गरेर दलका नेतालाई घरमै थुन्ने धम्की दिन पो थालेछ ! अरे ओरिजिनल बाउको छोरा हस् भने,आमाको दूध खाको छस् भने गरेर देखाऊ’ उनै बस्नेतले सुदनलाई कुनै हैसियत नभएको जनाउँदै लेखेका छन्,‘दलका नेता थुन्ने त के हाम्रो पछाडि लागेर झिँगा धपाउने हैसियत पनि छैन,बाबु तिम्रो !’