काठमाडौंद्वारा लुम्बिनीलाई मध्यम विजयी लक्ष्य प्रस्तुत

अलराउन्डर करण केसीले अन्त्यमा विस्फोटक ब्याटिङ गरेपछि काठमाडौं गोर्खाजले नेपाल प्रिमियर लिग(एनपीएल) अन्तर्गत लुम्बिनी लायन्सविरुद्ध जारी खेलमा मध्यम योगफल बनाएको छ । । कीर्तिपुरस्थित टियु क्रिकेट मैदानमा जारी खेलमा काठमाडौंले लुम्बिनीलाई १ सय ५८ रनको विजयी लक्ष्य प्रस्तुत गरेको हो ।  

टस हारेर पहिले ब्याटिङमा उत्रिएको काठमाडौंले निर्धारित २० ओभरमा ८ विकेटको क्षतिमा १ सय ५७ रन बनाएको हो । काठमाडौंको लागि कप्तान करण केसीले ११ बलमा ४ छक्का र एक चौकाको मद्दतमा सर्वाधिक ३४ रन बनाए । यस्तै आकाश त्रिपाठीले ३२, सन्तोष यादवले २६ आत्था मिलिन्द कुमार र जेर्हाड इरास्मसले १७/१७ रन बनाए ।

लुम्बिनीको लागि गुल्बादिन नैब, रुबिन ट्रम्पेलमन, शेर मल्ल र रोहित पौडेलले समान एक/एक विकेट लिए । अब लुम्बिनीले जवाफी ब्याटिङ गर्नेछ ।