कर्णालीद्वारा विराटनगरलाई मध्यम विजयी लक्ष्य प्रस्तुत

दोस्रो संस्करणको सिद्धार्थ बैंक नेपाल प्रिमियर लिग(एनपीएल) अन्तर्गत जारी खेलमा कर्णाली याक्सले विराटनगर किंग्सलाई मध्यम विजयी लक्ष्य प्रस्तुत गरेको छ । कीर्तिपुरस्थित टियु क्रिकेट मैदानमा जारी खेलमा कर्णाली याक्सले विराटनगर किंग्सलाई १ सय ६१ रनको विजयी लक्ष्य प्रस्तुत गरेको हो ।

टस जितेर पहिले ब्याटिङमा उत्रिएको कर्णालीले निर्धारित २० ओभरमा ३ विकेटको क्षतिमा १ सय ६० रन बनाएको हो । कर्णालीको लागि प्रियांक पंचलले जारी प्रतियोगितामा दोस्रो अर्धसतक पूरा गरेका हुन् । पंचलले ४७ बलमा ६ चौका र दुई छक्काको मद्दतमा ६३ रन बनाए । यस्तै विलियम बोसिस्टोले नटआउट ४८, गुलसन झाले २० र नाजुबुल्लाह जद्रानले १२ रन बनाए ।

विराटनगरको लागि मर्चान्ट डे लान्गा र सन्दीप लामिछानेले समान एक/एक विकेट लिए । अब विराटनगरले जवाफी ब्याटिङ गर्नेछ ।