आज कोरोनाबाट १ सय ९६ जनाको मृत्यु, ८ हजार २ सय जनामा संक्रमण
कोरोना संक्रमणबाट आज १ सय ९६ जनाको ज्यान गएको छ । स्वास्थ्य तथा जनसंख्या मन्त्रालयका अनुसार आज थप ८ हजार २ सय ३ जनामा संक्रमण पुष्टि भएको छ ।
त्यसैगरी आज २० हजार २ सय ८६ पीसीआर तथा ६ सय ९३ जनामा एन्टिजेन गरी २० हजार ९ सय ७९ जनामा परीक्षण गरिएको थियो ।
आज ६ हजार ८ सय ९१ जना संक्रमणमुक्त भएका छन् । हालसम्म निधन हुनेको संख्या ५ हजार ४ सय ११ पुगेको छ ।
आजसम्म नेपालमा कुल ४ लाख ७२ हजार ३ सय ५४ जना संक्रमित फेला परेका छन् । तीमध्ये ३ लाख ५२ हजार ४ सय १४ जना निको भएका छन् भने १ लाख १४ हजार ५ सय २९ जना सक्रिय संक्रमित छन् । आज ७ सय ५२ जना क्वारेन्टाइनमा रहेका छन् ।
स्वास्थ्य तथा जनसंख्या मन्त्रालयले घरमै पीसीआर परीक्षणका लागि नमूना संकलन गर्ने सम्बन्धी प्रोटोकल २०७८ पनि जारी गरेको छ ।
टिप्पणीहरू