हात्तीको आक्रमणमा आमाको मृत्यु, ३ वर्षकी छोरी घाइते

बर्दियामा जंगली हात्तीको आक्रमणमा एक महिलाको मृत्यु भएको छ भने उनकी छोरी घाइते भएकी छन् ।

गेरुवा गाउँपालिका–१, सरखोलखचकपुर की ३७ वर्षीया चन्द्रा विकको जंगली हात्तीको आक्रमणबाट सोमबार राति मृत्यु भएको हो ।

घरमा बसिरहेको अवस्थामा बर्दिया राष्ट्रिय निकुञ्जका दुई वटा जंगली हात्तीले आक्रमण गर्दा चन्द्राको घटनास्थलमै मृत्यु भएको र उनकी ३ वर्षीया छोरी दिपीका विक गम्भीर घाइते भएकी हुन् ।