एकातिर कार्यव्यवस्था परामर्श समितिको बैठक, अर्कोतिर अवरोध गर्ने एमालेको रणनीति

संघीय संसदअन्तर्गतको कार्यव्यवस्था परामर्श समितिको बैठक संसद भवन नयाँ बानेश्वरमा बसिरहेको छ ।

दिउँसो २ बजेबाट संसदको १०औँ अधिवेशन सुरु हुने भएपछि बैठक सञ्चालनसहित कार्यसूचीका विषयमा छलफल गर्न समितिको बैठक बसेको हो ।

प्रमुख प्रतिपक्षी दल एमालेले संसद बैठक अवरोध गर्ने रणनीति बनाइरहँदा समितिको बैठक पनि बसिरहेको हो ।

सरकारको सिफारिशमा राष्ट्रपति विद्यादेवी भण्डारीले आजदेखि शुरु हुनेगरी संसदको हिउँदे अधिवेशन आह्वान गर्नुभएको हो ।

आजको प्रतिनिधिसभा बैठकमा पेस गर्ने कार्यसूचीबारे छलफल गर्न कार्यव्यवस्था परामर्श समितिको बैठक बसेको बताइको छ ।