मोटरसाइकल दुर्घटनामा चार महिने नाबालिकाको मृत्यु
भक्तपुरमा मोटरसाइकल दुर्घटनामा चार महिने नाबालिकाको ज्यान गएको छ । मृत्यु हुनेमा चार महिनाकी लोसाङ डोल्मा तामाङ हुन् ।
काभ्रेपलाञ्चोकको साँगाबाट भक्तपुरको जगातीतर्फ आउँदै गरेको बाग्मती प्रदेश ०२–०२१ प ६७६२ नम्बरको मोटरसाइकल आज दुर्घटनामा परेको हो । मोटरसाइकल मृतक बालिकाका बुबा बुद्ध तामाङले चलाएका थिए ।
दुर्घटनामा लोसाङ गम्भीर घाइते भएकी थिइन् । उनको न्युरो अस्पतालमा उपचारको क्रममा निधन भएको प्रहरीले बताएको छ ।
काभ्रेपलाञ्चोकको पाँचखाल नगरपालिका–१, बस्ने २२ वर्षे बुद्ध र २१ वर्षिया आमा सुस्मिता तामाङ घाइते भएका छन् । अहिले उनीहरु दुबै जनालाई डा.ईवामुरा अस्पताल सल्लाघारीबाट डिस्चार्ज गरिसकेको बताइएको छ ।
ट्रेन्डिङ पोस्ट
टिप्पणीहरू