बंगलादेशमा रहेको रोहिङ्ग्या शरणार्थी शिविरमा भीषण आगलागी भएको सम्बन्धमा अनुसन्धान थालिएको छ । कोक्स बजारमा रहेको शिविरका दुई हजारभन्दा बढी टहरा हिजो आगलागीमा नष्ट भएपछि बंगलादेश सरकारले छानबिन शुरु गरेको बताइन्छ ।
ती टहरामा १२ हजार बढी म्यानमारबाट आएका रोहिङ्ग्या शरणार्थीले आश्रय लिएका थिए । गम्भीर प्रकृतिको घटना भएकाले शंकास्पद एक जनालाई नियन्त्रणमा लिइएको प्रहरीले जनाएको छ ।
बंगलादेशमा झण्डै १० लाख रोहिङ्ग्या शरणार्थी छन् । सन् २०१७ मा म्यानमारमा सेनाले अमानवीय कारबाही थालेपछि उनीहरुले बंगलादेशमा शरण लिएका हुन् । केही नेपालमा आएका छन् । तीमध्ये अधिकांश काठमाडौंं उपत्यका बस्छन् ।
