भिस्ताराको विमान उडेलगत्तै ह्वाट्सएपमार्फत् दिइएको थियो चेतावनी

भारतको राजधानी नयाँ दिल्लीबाट काठमाडौंका लागि उडेको भिस्तारा एअरको विमानमा उडेको २० मीनेटपछि बम राखिएको चेतावनी दिइएको बताइन्छ । ह्वाट्सएप मेसेजमा भिस्तारा एअरको उडान नम्बर युके १५५ विमानमा बम राखिएको अज्ञात व्यक्तिले खबर गरे पनि विमान साढे ४ बजे काठमाडौंमा अवतरण गरेको छ ।

विमानमा १५७ जना यात्रु थिए । काठमाडौंमा अवतरणपछि विमानलाई विशेष तालिमप्राप्त कुकुरबाट चेक गराइएको छ । नेपाली सेनाको बम डिस्पोजल टोली पनि विमानस्थल पुगिसकेको छ ।

काठमाडौं आइरहेको विमानमा बम रहेको हल्ला हुँदा त्रिभुवन विमानस्थलमा सुुरक्षा कमिटीको बैठक बसिरहेको थियो । हवाई सुरक्षा नियन्त्रक बच्चुराम श्रेष्ठलाई बैठक चलिरहेको समयमा एअर ट्राफिक कन्ट्रोलरले बमको चेतावनी प्राप्त भएको खबर गरेका थिए ।