चिनियाँ कम्युनिस्ट पार्टी (सिपिसी) अन्तर्राष्ट्रिय विभागबाट नेपाल मामिला हेर्ने सरला नामक चङ युयाले आज नेकपा संयोजक पुष्पकमल दाहाल ‘प्रचण्ड’सँग भेटवार्ता गरेकी छन् ।
भेटका लागि उनको ३ सदस्यीय टोली बिहान पौने ९ बजे नक्सालको म्यारियट होटलबाट सोझै दाहाल निवास हात्तिवन पुगेको थियो ।
भेटवार्तामा नेकपा संयोजक प्रचण्ड, सहसंयोजक माधवकुमार नेपाल,नेता वर्षमान पुन तथा चिनियाँ कम्युनिस्ट पार्टीका प्रतिनिधिहरू सहभागी थिए । भेटमा नेपाल–चीन सम्बन्ध,दलीय सहकार्य तथा आपसी चासोका विषयमा छलफल भएको बुझिएको छ । यसअघि यही टोलीले रवि लामिछाने र कुलमान घिसिङ्गसङ्ग भेटिसकेको छ ।
