ट्याक्टर भीरबाट खस्दा चालक ठहरै

तेह्रथुमको म्याङलुङ नगरपालिका–१ डबलीमा ट्रयाक्टर दुर्घटना हुँदा चालकको प्राण गएको छ । हिजो साँझ भएको दुर्घटनामा ट्याक्टर चालक फेदाप गाउँपालिका–५ इसिबुका २६ वर्षीय रबिन खापुङको मृत्यु भएको हो ।

म्याङलुङबाट तमोरतर्फ जाँदै गरेको प्रदेश १–०२–००३ त ४९८ नम्बरको ट्रयाक्टर अनियन्त्रित भइ सडकबाट अन्दाजी एक सय मिटर तल खसेको थियो ।

चालक खापुङको घटनास्थलमै मृत्यु भएको जिल्ला प्रहरी कार्यालय तेह्रथुमले जनाएको छ ।