दक्षिण अफ्रिकामा गोली चल्यो, १४ जनाको मृत्यु

दक्षिण अफ्रिकाको एउटा बारमा गोली चल्दा १४ जनाको ज्यान गएको छ । हिजोराति सोवेटो टाउनसिपमा रहेको बारमा भएको गोलीकाण्डमा अन्य ११ जना घाइते छन् ।

त्यहाँको प्रहरीले घटनाको पुष्टी गर्दै १२ जनालाई मृत फेला पारेको छ । अन्य दुई जनाको उपचारको क्रममा मृत्यु भएको हो । एक जना प्रहरी अधिकृतले भने, ‘हामी आज दिउँसो लगभग १२ बजे घटनास्थलमा पुगेका थियौँ । त्यहाँ पुग्दा १२ जनाको मृत्यु भइसकेको थियो ।’

प्रहरीका अनुसार गोली काण्डमा घाइते भएका ११ जनाको अस्पतालमा उपचार भइरहेको छ ।