हिमालय एअरलाइन्सको पछिल्लो गन्तव्य कुवेत

हिमालय एयरलाइन्सले कुवेतमा उडान थालेको छ । काठमाडौंबाट एअरलाइन्सको पहिलो उडान गत शुक्रबार राति साढे १० बजे भएको हो ।

शुक्रबार राति यताबाट कुवेत जाने र राति नै उताबाट काठमाडौं फर्केको जहाज हिजो बिहान सवा ९ बजे काठमाडौंको त्रिभुवन अन्तर्राष्ट्रिय विमानस्थलमा ओर्लेको हो । कुवेत हिमालयन एयरलाइन्सको आठौँ अन्तर्राष्ट्रिय गन्तव्य हो ।

एयरलाइन्सको अब हरेक शुक्रबार काठमाडौँ–कुवेत र हरेक भोलिपल्ट कुवेत–काठमाडौँ उडान तालिका बनाएको छ । अहिले जजिरा एअरवेजले कुवेत–काठमाडौं–कुवेत र कुवेत–भैरहवा–कुवेत उडान गर्दै आएको छ ।