एमालेले चोलेन्द्रलाई जोगाउन खोजेको माओवादी नेताको आरोप

नेकपा माओवादी केन्द्रका सांसद हरिबोल गजुरेलले नेकपा एमालेले निलम्बित प्रधानन्यायाधीश चोलेन्द्र समशेर जबरालाई जोगाउन खोजेको आरोप लगाएका छन् । आज प्रतिनिधिसभा बैठकमा प्रधानन्यायाधीश राणाबिरुद्धको महाअभियोग प्रस्तावमाथि छलफलको क्रममा बोल्दै उनले यस्तो बताएका हुन् ।

महाअभियोग पारित हुन दुई तिहाई चाहिने भन्दै त्यसको निम्ति प्रतिपक्षको सहयोग आवश्यक पर्ने उल्लेख गरे । साथै, सांसद गजुरेलले प्रतिपक्ष दल एमाले महाअभियोग पारित गराउनेतर्फ नलागेको आरोप समेत लगाएका छन् । एमालेले जबरालाई जोगाउने गरी बोल्दा जनताको नजरबाट गिर्ने डरले जिब्रो चपाएर कुरा गरेको उनको दाबी छ ।

सत्तापक्ष, प्रतिपक्ष सबै एक ठाउँमा आएर यसमा छिटोभन्दा छिटो सहमति हुनुपर्ने भन्दै उनले भने, ‘महाअभियोग प्रतिपक्षले सहयोग नगरी पारित हुँदैन । तर, आज प्रतिपक्ष जिब्रो चपाएर कुरा गरिराखेको छ । यहाँ सोझै बोल्न गाह्रो छ । प्रतिपक्ष जोगाउन चाहिराखेको छ । सोझै बोल्दा जनताको नजरमा आफ्नो पार्टीको छबि, व्यक्तिको छबि गिर्छ, यस्तो गर्नुहुन्न । ‘