ट्रयाक्टर पल्टिँदा एकको मृत्यु

सर्लाहीमा ट्रयाक्टर दुर्घटना हुँदा एक जनाको ज्यान गएको छ । दुर्घटनामा लालबन्दी नगरपालिका–५ बस्ने ३६ वर्षीय लल्लु माझी मुसरको मृत्यु भएको बताइएको छ ।

जिल्ला प्रहरी कार्यालय, सर्लाहीका अनुसार रञ्जितपुरस्थित सडकमा ना.५ त ९९७१ नम्बरको ट्रयाक्टर हिजो साँझ दुर्घटना हुँदा ट्रयाक्टरमा सवार मुसहर गम्भीर घाइते भएका थिए ।

उनको प्रादेशिक अस्पताल मलंगवामा उपचारको क्रममा आज बिहान मृत्यु भएको हो । दुर्घटनापछि फरार ट्रयाक्टर चालकको खोजी भइरहेको बताइएको छ ।