गुम्बा व्यवस्थापन तालिम शुरु

स्वयम्भूमा दुई दिने गुम्बा व्यवस्थापन तालिम सञ्चालन गरिएको छ । बौद्ध दर्शन प्रवद्र्धन तथा गुम्बा विकास समितिको आयोजनामा स्वयम्भूस्थित मनाङ गुम्बामा हिजो तालिमको शुभारम्भ गरिएको हो ।

तालिममा समिति अध्यक्ष फुपुछेम्बे शेर्पा (खेन्पो गेशे थुप्तेन जिग्डोल), कार्यकारी निर्देशक होमबहादुर दोङ‚ सदस्यहरु महेन्द्रजङ्ग तामाङ, विश्वकुमार लामा, पाल्देन लामा, समितिका नुर्बु शेर्पा, लेखा अधिकृत विनीता भण्डारी, प्रशासकीय अधिकृत वन्दनाकुमारी झा, योजना अधिकृत सन्जु योङ्गयालगायत झण्डै छ दर्जन व्यक्तिको सहभागिता थियो ।

दुई दिने तालिम पहिलो दिन हिजो बिहान पौने १२ देखि साँझ ६ बजेसम्म चलेको थियो ।