कालो झोलामा लागुऔषध राखेर कारोबारमा निस्किएका कल्लु समातिए

बाँकेको नेपालगञ्जमा एक लागुऔषधका कारोबारी पक्राउ परेका छन् । नेपालगञ्ज -११ वस्ने ४९ वर्षीय कल्लु कबडिया ब्राउनसुगर र नगदसहित हिजो पक्राउ परेका हुन् ।

जिल्ला प्रहरी कार्यलय बाँकेबाट खटिएको प्रहरी टोलीले सोही ठाउँमा लागूऔषध कारोबार भइरहेको सूचनाको आधारमा कल्लुलाई नियन्त्रणमा लिएको प्रहरीले जनाएको छ ।

प्रहरीका अनुसार शंकास्पद अवस्थामा फेला परेका कल्लुमाथि खानतलासी गर्दा उनको साथमा कालो प्लाष्टिकमा १४ ग्राम पाँच सय मिलीग्राम ब्राउनसुगर, २२ हजार नेपाली रुपैयाँ र १५ हजार भारतीय रुपैयाँ फेला परेको हाे । पक्राउ परेका उनीमाथि थप अनुसन्धान भैरहेको प्रहरीले बताएको छ ।