नाै किलाे खपडासहित तीन जना पक्राउ

संरक्षित वन्यजन्तु सालकको आखेटोपहार (खपटा) सहित तीन जना पक्राउ परेका छन् । प्रहरी प्रधान कार्यालयको केन्द्रीय अनुसन्धान ब्युरो (सीआइबी) काठामाडौं र काभ्रेपलाञ्चोकस्थित इलाका प्रहरी कार्यालय बनेपाको संयुक्त टोलीले अवैध रूपमा ओसारपसार भइरहेको खपटासहित उनीहरुलाई नियन्त्रणमा लिएको हो ।

पक्राउ पर्नेमा सिन्धुपाल्चोकको सुनकोशी गाउँपालिका–७ का ४९ वर्षीय गोविन्द सेन्चुरी, काभ्रेपलाञ्चोकको रोशी गाउँपालिका–४ का २६ वर्षीय सुरज झेडीमगर र महाभारत गाउँपालिका–७ का २५ वर्षीय विमान स्याङ्तान रहेका छन् ।

प्रहरीका अनुसार उनीहरुलाई बनेपा नगरपालिका–६ को २८ किलोस्थित स्वागत क्याफेबाट हिजो पक्राउ गरिएको हो । तीनै जनालाई नियन्त्रणमा लिएर थप अनुसन्धान गरिरहेको प्रहरीले बताएको छ ।