पार्टी पुनर्गठन दिवस मनाउन समाजवादीका नेताहरु थापागाउँमा भेला

नेकपा एकीकृत समाजवादीले पार्टी पुनर्गठनको एक वर्ष पूरा भएको अवसरमा आज ‘पार्टी पुनर्गठन दिवस’ मनाएको छ । एक वर्षअघि एमालेबाट बिद्रोह गरि गठन भएको समाजवादीले निर्वाचन आयोगबाट प्रमाणपत्र पाएको दिन आज थापागाउँस्थित अर्पण ब्यांकेटमा विशेष कार्यक्रम गरि पुनर्गठन दिवस मनाएको हो ।

कार्यक्रममा अध्यक्ष एवम् पूर्वप्रधानमन्त्री माधवकुमार नेपाल, पूर्वप्रधानमन्त्री तथा सम्मानित नेता झलनाथ खनाल, महासचिव डा. बेदुराम भुसाल, प्रवक्ता जगन्नाथ खतिवडा, उपमहासचिवद्वय डा. गंगालाल तुलाधर र प्रकाश ज्वाला, नेता विरोध खतिवडा, स्थायी कमिटी सदस्य सोम प्रसाद पाण्डेलगायत तीन सयभन्दा बढी नेता-कार्यकर्ताको उपस्थिति रहेको थियो ।

गत वर्ष एमालेबाट विभाजन भई नेपालको नेतृत्वमा भदौ २ गते निर्वाचन आयोगमा दल दर्ताको लागि निवेदन दिएकोमा ९ गते समाजवादीले प्रमाणपत्र पाएको थियो ।