दुर्गा छप्काएको आरोपमा शम्भु पक्राउ

नुवाकोटमा धारिलो हतियार प्रयोग गरि हत्या गरेको आरोपमा एक जना पक्राउ परेका छन् । तादी गाउँपालिका–५ गोरेका ४० वर्षीय शम्भु तामाङलाई प्रहरीले हत्या अभियोगमा समातेको हो ।

उनीमाथि गत भदौ पाँच गते सोही ठाउँका ५० वर्षीया दुर्गा न्यौपानेको धारिलो हतियार प्रहार गरी हत्या गरेको आरोप छ । जिल्ला प्रहरी कार्यलय नुवाकोटका अनुसार धारिलो हतियार प्रहारबाट गम्भीर घाइते भएकी दुर्गाको उपचारको क्रममा शिक्षण अस्पताल महाराजञ्जमा गएराति मृत्यु भएको हाे ।

तामाङलाई नियन्त्रणमा लिएर अनुसन्धान भैरहेको प्रहरीले बताएकाे छ ।