एकैदिन दर्जन बढी फरार प्रतिवादी पक्राउ

जिल्ला प्रहरी कार्यालय, सप्तरीले एकैदिन दर्जन बढी फरार प्रतिवादीलाई समातेको छ ।

विभिन्न मुद्दामा फैसला कार्यान्वयनअन्तर्गत कैद तथा जरिवाना तोकिएपछि फरार रहेका १६ प्रतिवादीलाई प्रहरीले हिजो नियन्त्रणमा लिएको हो ।

कुटपिट र गाली बेइज्जती मुद्दामा कसूर पुष्टि भइ फरार रहेकाहरुलाई पक्राउ गरी सप्तरी जिल्ला अदालतमा पेश गरिएको छ । पक्राउ परेकामा कोरामेश्वर महतो, कुष्णकुमार महतो, रोशन महतो, कोबिशवनाथ यादव, भुपेन्द्रप्रसाद यादव, शत्रुघ्न चौधरी, लिलादेवी कलवार छन् ।

त्यस्तै, सञ्जयकुमार चौधरी, सातैन मण्डल, भुटीदेवी खंग, तिलेश्वरीकुमारी खंग, सुरज मण्डल, देवु मण्डल, ईनरदेव मण्डललाई पनि पक्राउ परेका छन् । उनीहरुलाई अदालतले जरिवाना गरेर छाडेको जिल्ला प्रहरी कार्यालय, सप्तरीले जनाएको छ ।