युवकको झोलाभरी लागुऔषध
काठमाडौँको चन्द्रागिरी नगरपालिका २, नागढुंगाबाट ठूलो परिमाणको नाइट्राभेट र एम्पुलसहित एक युवक समातिएका छन् । सिरहाको लक्ष्मीपुर पतारी गाउँपालिका ५ बस्ने २६ वर्षीय प्रगास यादवलाई आज प्रहरीले पक्राउ गरेको हो ।
उनको साथबाट नाइट्राभेट ८ सय ९७ ट्याब्लेट, डाईजेपाम ५२ एम्पुल, बुप्रेनोर्फिन ५२ एम्पुल र फेनारगन ५२ एम्पुल बरामद गरिएको प्रहरीले जनाएको छ ।
नागढुंगाबाट खटिएको प्रहरीले सिरहाबाट काठमाडौंतर्फ आउँदै गरेको बा.५ ख ८०८९ नम्बरको बसमा चेकजाँच गर्दा यादवले झोलामा लुकाई ल्याएको उक्त लागूऔषध फेला परेको हो । प्रहरीका अनुसार पक्राउ परेका उनीमाथि थप अनुसन्धान भइरहेको छ ।
ट्रेन्डिङ पोस्ट
टिप्पणीहरू