बसमा स्रोत नखुलेको १३ लाख, चालक नियन्त्रणमा

कपिलवस्तुमा स्रोत नखुलेको १३ लाख आठ सय रुपैयाँ फेला परेको छ । कृष्णनगर नगरपालिका–२ गणेशपुर चोकमा उक्त रकम फेला परेको बताइएको छ ।

प्रहरीका अनुसार कृष्णनगर चन्द्रौटा सडकखण्डमा कृष्णनगरबाट चन्द्रौटातर्फ जाँदै गरेको लु.१ ख २३९७ नम्बरको बसलाई चेकजाँच गर्नेक्रममा चालक पक्राउ परेको प्रहरी नायव उपरीक्षक मीनबहादुर घलेले जानकारी दिए ।

बसको अगाडिको भागमा लुकाएर ल्याएको उक्त रकम फेला परेको हो । चालक प्युठान नगरपालिका–८ मानागाँउका ३४ वर्षे सुनिलबहादुर पुनमगरलाई प्रहरीले नियन्त्रणमा लिएको बताइएको छ ।

पक्राउ परेका चालक र बरामद रकम आन्तरिक राजश्व कार्यालय बुटवल पठाइएको छ ।