ओर्लंदै गरेकी यात्रुलाई सोही बसको ठक्कर

रामेछापमा बसको ठक्करबाट एक महिलाको ज्यान गएको छ । मन्थली नगरपालिका–१४ मा बसले ठक्कर दिँदा स्थानीय ५० वर्षीया चन्द्रकुमारी परियारको मृत्यु भएको हो ।

मन्थलीबाट देउरालीतर्फ जाँदै गरेको बागमती प्रदेश ०१–००६ ख २२९५ नम्बरको बसबाट ओर्लनेक्रममा सोही बसले चन्द्रकुमारीलाई ठक्कर दिएको थियो ।

यात्रुको मृत्युपछि बससहित चालकलाई जिल्ला प्रहरी कार्यालय, रामेछापले नियन्त्रणमा लिएर अनुसन्धान थालेको छ ।