उम्मेदवारी खारेज भएकी घण्टी चिन्हवाली डाक्टरले अदालत गुहार्ने
रवि लामिछाने नेतृत्वको ‘राष्ट्रिय स्वतन्त्र पार्टी’ की उम्मेदवार डा. तोसिमा कार्कीले निर्वाचन आयोगको निर्णयविरुद्ध अदालत जाने घोषणा गरेकी छन् ।
ललितपुर क्षेत्र नम्बर ३ बाट घण्टी चिन्ह लिएर उठेकी डा.कार्की आफ्नो उम्मेदवारी खारेज गर्ने निर्णयविरुद्ध अदालत जान लागेकी हुन् ।
प्रतिनिधि सभा निर्वाचनमा एमालेका नवराज सिलवाल र नेपाली काँग्रेसका उदयशमशेर राणासँग चुनावी मैदानमा होमिएकी उनको उम्मेदवारी आयोगले हिजो खारेज गरिदिएको छ ।
नेपाल मेडिकल काउन्सिलको कार्यकारी सदस्यसमेत रहेकी उनले बैठक भत्ता र भ्रमण भत्ता लिएको पाइएको आयोगले जनाएको छ ।
काउन्सिलबाट बैठक भत्ता र भ्रमण भत्ता लिइरहेको देखिएकाले डा. कार्कीले सार्वजनिक पद धारण नगरेको र लाभको पदमा बहाल नरहेको भन्ने नदेखिएको आयोगको भनाइ छ ।
एक सचेत र जिम्मेवार उम्मेदवार भएको बताउँदै आफूले निर्वाचन आयोगलाई पत्र लेखेर काउन्सिलको उक्त पद लाभको पद हुने वा नहुने बारेमा स्पष्ट पारिदिन निवेदन दिएको उनले बताएकी छन् ।
आफ्नो निवेदनबारे पहिले मौन बसेर अहिले उम्मेदवारी खारेज गर्ने निर्णय गर्नुले आयोगको निष्पक्षतामाथि शंका व्यक्त गरेकी हुन् । उनले यसबारे आयोगमा भदाै २८ गते निवेदन पेश गरेकाे समेत देखाएकी छन् ।
क्षेत्र नम्बर ३ मा आफ्नो पक्षमा राम्रो माहौल सिर्जना भइरहेको अवस्थामा निर्वाचन परिणाम फरक पार्ने तरिकाले आएका निर्णयविरुद्ध अदालत जाने उनले बताएकी हुन् ।
ट्रेन्डिङ पोस्ट
टिप्पणीहरू