दुबईबाट आएका युवकको ५२ ग्राम सुन प्रहरीले समात्यो

अवैध रुपमा ल्याइएको भनिएको सुनसहित एक युवक पक्राउ परेका छन् । खोटाङका २३ वर्षीय विज्ञान विश्वकर्मा सुनसहित त्रिभुवन अन्तर्राष्ट्रिय विमानस्थलमा समातिएका हुन् ।

हिमालयन एअरको उडानद्वारा विश्वकर्मा आज बिहान ८ बजेर ५५ मीनेटमा दुबईबाट काठमाडौं ओर्लिएका थिए । भन्सार चेक जाँचपछि बाहिर निस्किँदै गरेका विश्वकर्मालाई प्रहरीले टनेल गेटको छेउमा चेकजाँच गर्दा उनको साथमा सुन भेटिएको हो ।

उनको साथबाट ५२ ग्राम सुन फेला पारिएको छ । बरामद सुनसहित विश्वकर्मालाई नियन्त्रणमा लिएर थप अनुसन्धानको निम्ति गौशाला प्रहरी वृत लगिएको प्रहरीले बताएको छ ।