दुबईबाट आएका निरजसङ्ग सुनको पोको समातियो

आज बिहान दुबईबाट काठमाडौं आएका एक जना यात्रुको साथमा रहेको सुन प्रहरीले बरामद गरेको छ । हिमालयन एअरको उडान नम्बर एच ९५६६ बाट आएका निरज क्षेत्रीलाई उनले ल्याएको १ सय ग्राम सुनसहित प्रहरीले पक्रेको हो ।

स्याङ्जा स्थायी ठेगाना भएका राहदानी नम्बर ०६३२५३२३ का २७ वर्षे क्षेत्रीलाई भन्सार चेक जाँचपछि उनको साथबाट उक्त सुन बरामद गरिएको प्रहरीले जनाएको छ ।

विमानस्थलको आगमन कक्षको टनेल छेउमा प्रहरीले निजलाई लुकाई छिपाई ल्याएको उक्त सुनसहित नियन्त्रणमा लिएर साँझ सवा ४ बजे गौशाला वृत्तमा लगेको बुझिएको छ ।