व्यक्ति एक, नागरिकता र पासपोर्ट अनेक

दुई वटा नागरिकता र राहदानी बोकेको अभियोगमा प्रहरीले उदयपुरका एक जना पुरुषलाई पक्रेको छ । उनलाई महाराजगञ्जस्थित अमेरिकी दूतावास नजिकैबाट समातिएको प्रहरीले जनाएको छ ।

उदयपुरको बेलका नगरपालिका ७ घर भएका अशोक राई भनिने ४१ वर्षे ओमबहादुर राईलाई आज नियन्त्रणमा लिइएको हो । उनले दोहोरो नागरिकता र राहदानी बनाएर अमेरिका उड्ने तरखर गरेको सूचनाको आधारमा दूतावासको समन्वयमा काठमाडौं उपत्यका अपराध अनुसन्धान महाशाखाको विशेष टोलीले पक्रेको हो ।

उनलाई दुई वटा नागरिकता र राहदानीसहित नियन्त्रणमा लिएर आवश्यक कारवाहीको निम्ति जिल्ला प्रहरी परिसर टेकु पठाइएको छ । उनीविरुद्ध नागरिकता ऐन र राहदानी ऐनअन्तर्गतको कसुरमा कारवाही प्रक्रिया अघि बढाइएको छ ।