लागुपदार्थ ओसारपसारमा नयाँ तरिका, काउलीको झोलामा गाँजा

लागुपदार्थ बोकेर हिँडेका एक वृद्ध पक्राउ परेका छन् । धादिङको थाक्रे गाउँपालिका–७ का ६१ वर्षीय साईंला तामाङलाई प्रहरीले आज पक्रेको हो ।

महादेववेशीबाट काठमाडौं आउँदै गरेको बा २ ख ६३६८ नम्बरको बस चेक गर्ने क्रममा सोही बसमा सवार तामाङको साथबाट एक किलो छ सय ग्राम गाँजा फेला परेको हो ।

उनले झोलामा हालिएको काउलीको बीचमा राखेर उक्त परिमाणको गाँजा ल्याएका थिए । तामाङलाई नियन्त्रणमा लिएर थप अनुसन्धान भइरहेको प्रहरीले बताएको छ ।