पिर्काले हानेर छोराद्वारा बाबुको हत्या

रोल्पामा पिर्काले हानेर बाबुको हत्या गरेका छोरा पक्राउ परेका छन् । हत्या अभियोगमा त्रिवेणी गाउँपालिका–४ पोखरीका २३ वर्षीय सन्दीप घर्ती पक्राउ परेका हुन् ।

सन्दीपले भान्सा कोठामा बसेर मादक पदार्थ सेवन गरिरहेका बाबु मानसिंह घर्तीलाई आज बिहान पिर्काले हानेको बताइन्छ । मानसिंहको घटनास्थलमै मृत्यु भएको प्रहरीले जनाएको छ ।

इलाका प्रहरी कार्यालय, होलेरीबाट खटिएको टोलीले सन्दीपलाई नियन्त्रणमा लिएर थप अनुसन्धान थालेको छ ।