रोल्पाको माडीखोलामा महिलाको शव भेटियो

रोल्पाको माडीखोलामा महिलाको शव फेला परेको छ । आज दिउँसो सवा ३ बजेको समयमा पूर्वी रोल्पास्थित सुनीलस्मृति गाउँपालिका–२, लामाचौर छेउको माडी खोलाको मध्यभागमा शव फेला परेको बताइएको छ ।

प्रहरीका अनुसार पहिचान नखुलेको अवस्थामा अन्दाजी ३२ वर्ष उमेरकी महिलाको शव खोलामा तैरिएको अवस्थामा फेला परेको हो । स्थानीयले प्रहरीलाई सूचित गरेपछि सुलिचौर र खुंग्रीबाट टोली परिचालित भएको बताइन्छ । शवबारे प्रहरीले थप अनुसन्धान गरिरहेको रोल्पाका प्रहरी प्रवक्ता प्रहरी निरीक्षक प्रकाश भुसालले जानकारी दिए ।

उनका अनुसार थाहा पाएसम्म घटनाको जानकारी दिन र थप सूचनाको निम्ति स्थानीयलाई प्रहरीले अनुरोध गरेको छ । शवलाई लिवाङ तेउघास्थित रोल्पा अस्पतालमा पुर्याइएको छ ।