गठ्ठाघरमा पनि विप्लवको चुनाव विरोधी कोणसभा

आगामी प्रतिनिधि सभा र प्रदेश सभा निर्वाचन बहिष्कारको घोषणा गर्दै आएका केही राजनीतिक दलहरुमध्ये नेपाल कम्युनिष्ट पार्टी विप्लव समूह निकट अखिल क्रान्तिकारीले आज काठमाडौंको चावहिल र भक्तपुरको गठ्ठाघरमा चुनाव बहिष्कारको आह्वान गर्दै कोणसभा गरेको छ ।

दिउँसो १ बजेको समयमा अखिल (क्रान्तिकारी) को आयोजनामा गठ्ठाघरमा उक्त कार्यक्रम भएको हो । अखिल क्रान्तिकारीका सिटिइभिटी इञ्चार्ज डिभि चन्द्रको नेतृत्वमा गरिएको कोणसभामा आगामी निर्वाचनविरुद्ध भण्डाफोर गरिएको छ । 

अखिल क्रान्तिकारीले आजै बिहान चावहिलमा यस्तै कोणसभा आयोजना गरेको थियो ।