झापामा हात्ती आतंक, एक दर्जन जंगली हात्ती गाउँ नजिकै रहेको आशंका

झापाको उत्तरी क्षेत्रमा ११ वटा जंगली हात्ती गाउँ छिरेपछि आतंक मच्चिएको छ ।  दमक नजिकैको हम्सेदुम्से सामुदायिक वन क्षेत्रमा ती हात्ती पछिल्लो केही दिनदेखि देखिएका हुन् ।

धेरै संख्यामा हात्तीहरू देखेपछि स्थानीय रातभर जागा बसेका हुन् । दमक नगरपालिका वडा नम्बर ३ का वडाध्यक्ष नवीन बरालका अनुसार वडा २ र ३ का दिनहुँ ती हात्ती गाउँ नजिकैको जंगलमा आउने गरेका छन् ।

जंगली हात्तीका कारण स्थानीयबासी बाहिर निस्कन, बालबालिका विद्यालयमा जान र विशेषगरी रातको समयमा अत्यावश्यक काम पर्दा घर बाहिर जान डराउनुपर्ने अवस्था बनेको हो ।