२० वर्ष पुगी बिहे गर्ने किशोरीलाई १० हजार

कालीकोटको खाँडाचक्र नगरपालिका –१ ले २० वर्ष पुगी विवाह गर्ने किशोरीलाई १० हजार नगद प्रदान गर्ने भएको छ । नगरले २० वर्ष पुगी विवाह गर्ने किशोरीलाई बैंक खातामार्फत १० हजार दिने जनाएको छ । 

सानै उमेरमा हुने बालविवाह र त्यसबाट किशोरीहरुले भोग्नुपर्ने दमन,शोषण आदिको अन्त्यका लागि नगरले यो निर्णय गरेको भनिएको छ । 

नगर अधिकृत दमनराज शाहीले, कर्णाली प्रदेश सरकारको सहयोगमा नगरले आफ्नो समुदायभित्र रहेका किशोरीहरुले २० वर्ष पुगेपछि विवाह गरेमा १० हजार दिन लागेको बताए । 

उनले भने, ‘यस नीतिले बालविवाह रोक्नका साथसाथै किशोरीहरुको शिक्षामा पनि योगदान पुर्याउने छ ।’